Гол мөрний усны түвшин ба урсацын урьдчилсан 6-р сарын мэдээ

Хангай нурууны араас усжих Хануй, Чулуут, Суман, Хойттамир, Урдтамир зэрэг голуудын усны түвшин өмнөх арав хоногийн эхээр хоногт 1-36 см нэмэгдсэн ерөнхий хандлагатай байсан ба арав хоногийн дундаж утгаараа  олон жилийн дунджаас 2-17 см бага өмнөх оны мөн үеийнхээс  5-15 см ахиу байна. 

Хэдийгээр ихэнх гол мөрний услагын дундаж хэмжээ олон жилийн дунджаас бага байх төлөвтэй байгаа боловч сарын зарим хугацаанд орсон хур тунадасны эрчимшил, хэмжээнээс шалтгаалан усны түвшин огцом нэмэгдэж, түр зуур үерлэх магадлалтай.

Мөн агаарын температур нийт нутгаар олон жилийн дунджын орчим, сарын зарим хугацаанд орох түр зуурын аадар бороо зэргээс шалтгаалан  хуурай  сайр, гуу жалгаар уруйн үер буух нөхцөл бүрдэх боломжтой.

Иймд гол мөрөн ба хуурай сайр, гуу жалга даган нутаглаж буй малчид, иргэдийг үер усны аюулаас болгоомжлохыг анхааруулж байна. 

Гадаргын ус судлалын өртөө